Биз үчүн социалдык жоопкерчилик — бул өзүнчө бир программа эмес, философиябыздын бир бөлүгү. Инвестициялар экономикага гана эмес, адамдарга да пайда алып келиши керек деп ишенебиз. Кээде бул бөбөктөр алгачкы оюнчуктарын жана кийимдерин жылуу маанайда белекке алган балдар үйүнө баруу. Кээде — карылар үйүндөгү майрамдык маанай, андагы карыянын жүзүндөгү жылмаюу ар кандай сандардан кымбат турат. Ал эми кээде муктаж болгондордун жашоосун күн сайын өзгөртүп жаткан кайрымдуулук фонддоруна жардам берүү.
Биздин досторубуз — «Нур+» реабилитациялык-абилитациялык борбору, Токмок балдар үйү, карылар жана майыптыгы бар адамдар үчүн социалдык мекемелер. Биз жөн гана колдоо көрсөтпөстөн, алардан кабар алып, баарлашып, майрамдык иш-чараларды уюштуруп турабыз
Балалык — бул оюндун жана жаңы ачылыштардын мезгили болушу керек. Биз SMagic оюн-зоок парктар тармагы менен биргеликте «Кесиптер шаарчасы» долбоорун ишке ашырдык. Бул жерде балдар өздөрүн дарыгер, өрт өчүрүүчү, куруучу же ишкер катары сынап көрүп, өз күчүнө болгон ишенимди сезе алышат.
Биздин дагы бир долбоор — Инвестициялык мектеп. Анда балдар акча менен туура иштөөнү, эмгектин жана жоопкерчиликтин баалуулугун түшүнүүнү үйрөнүшөт. Бул билимдер сабаттуулукту гана эмес, келечектеги көз карандысыздыкты да калыптандырат
«Открой сердце», «Тепло, забота, любовь» фонддору жана башка көптөгөн уюмдар — биздин ишенимдүү өнөктөштөрүбүз. Биргелешип көбүрөөк адамдарга жардам берип, жылуулук тартуулап, колдоого муктаждарга көмөк көрсөтө аларыбызга ишенебиз
Биз «Лапа и хвост» башпаанегин колдоого алып, тоют жана башка зарыл болгон нерселер менен жардам берип келебиз. Жардам сурап сүйлөй албагандарга тирек болуу — биздин социалдык жоопкерчилигибиздин бир бөлүгү
